logo

ເຈົ້້າໜ້າທີ່ເມືອງວຽງໄຊບໍ່ສາມາດສືບຕໍ່ຊອກຄົ້ນຫາ 6 ຄົນທີ່ຍັງສູນຫາຍ

ອຳນາດການປົກຄອງ ແຂວງຫົວພັນ ແລະ ພາກສ່ວນທີ່ກ່ຽວຂ້ອງ ຍັງບໍ່ໄດ້ສືບຕໍ່ຊອກຄົ້ນຫາ 6 ຄົນທີ່ຍັງສູນຫາຍຈາກເຫດດິນເຈື່ອນທັບ.ທ່ານ ພອນສຸກ ອິນທະວົງ ເຈົ້າເມືອງ ເມືອງວຽງໄຊ ໄດ້ກ່າວໃນມື້ເຊົ້ານີ້ 22/08/2019 ວ່າ: ຫຼັງຈາກປະສານງານກັບອຳນາດການປົກຄອງ ເມືອງກວນເຊີນ ແຂວງ ແທງຮົວ ປະເທດຫວຽດນາມ ໃນການຂໍອະນຸຍາດຊອກຄົ້ນຫາ 6 ຄົນ ທີ່ຍັງສູນຫາຍ ຢູ່ປະເທດຫວຽດນາມ ແລະ ກໍ່ໄດ້ຮັບອະນຸຍາດແລ້ວ, ຕາມແຜນການຊອກຄົ້ນແມ່ນຈະເລີ່ມແຕ່ມື້ວານນີ້ 21/08/2019 ແຕ່ບໍ່ສາມາດດໍາເນີນການຊອກຄົ້ນໄດ້, ເພາະພະຍຸໄດ້ເຂົ້າປະເທດຫວຽດນາມ ໂດຍສະເພາະເມືອງກວນເຊີນຈົນຮອດປະຈຸບັນຍັງບໍ່ທັນອ່ອນກຳລັງລົງເທື່ອ.ທ່ານ ພອນສຸກ ກ່າວຕື່ມອີກວ່າ: ຜ່ານມາ ທາງການຫວຽດນາມໄດ້ພົບຄົນເສຍຊີວິດ 4 ສົບ ຢູ່ໜ້ານ້ຳໃນປະເທດຫວຽດນາມ ເປັນຊາຍ 2 ຍິງ 2, ແຕ່ຍາດພີ່ນ້ອງຜູ້ສູນຫາຍໄປກວດສອບ ແລະ ສາມາດຢືນຢັນໄດ້ພຽງແຕ່ 1 ສົບ ເປັນຜູ້ໃຫຍ່ເພດຊາຍວ່າເປັນຄົນລາວ ຊື່ ທ້າວ ເຢີຍຈິງທໍ ອາຍຸ 47 ປີ ເປັນຊົນເຜົ່າມົ້ງ. […]

Read more

ເຈົ້າ​ໜ້າ​ທີ່​​ຮຽກ​ຮ້ອງ​ໃຫ້​ຜູ້​ຂັບ​ຂີ່ຫຼີກ ​ເວັ້ນການ​ນໍາໃຊ້​ເສັ້ນ​ທາງ​ຕັດ​ໃໝ່​ກາສີ-ເມືອງນານໃນລະ​ດູ​ຝົນນີ້

ເຈົ້າ​ໜ້າ​ທີ່​ປ້ອງ​ກັນ​ຄວາມ​ສະ​ຫງົບ ແຂວງ ​ຫຼວງ​ພະ​ບາງ ໄດ້​ຮຽກ​ຮ້ອງ​ໃຫ້​ບັນ​ດາ​ຜູ້​ຂັບ​ ຂີ່​ທີ່​ຈະ​ເດີນ​ທາງ​ໄປ​ແຂວງ​ຫຼວງ​ພະ​ບາງ ໃຫ້​ໃຊ້​ເສັ້ນ​ທາງ​ເກົ່າ​ຄືເສັ້ນ​ທາງ​ຜ່ານສາ​ລາ ​ພູ​ຄູນ ຫຼື ເສັ້ນ​ທາງເລກທີ 13 ເໜືອ ເພື່ອຮັບ ປະກັນຄວາມປອດໄພໃນການເດີນທາງໂດຍສະເພາະໃນໄລຍະລະດູຝົນນີ້. ທ່ານ ພັນໂທ ສົມບູນ ທະນາວັນ ຫົວໜ້າ ຫ້ອງການຕຳຫຼວດ ແຂວງຫຼວງພະບາງ ໄດ້ໃຫ້ສຳພາດຕໍ່ນັກຂ່າວໜັງສືພິມວຽງຈັນ ທາຍໃນມື້ວານນີ້ 21/08/2019 ວ່າ: ອຸປະຕິເຫດເກີດຂຶ້ນເລື້ອຍໆຢູ່ເສັ້ນທາງຕັດ ໃໝ່ ແຕ່ເມືອງກາສີ ຫາ ເມືອງນານ ຊຶ່ງມີໄລ ຍະທາງປະມານ 60 ກວ່າກິໂລແມັດ, ເສັ້ນທາງດັ່ງກ່າວຖ້າໄປແຕ່ເມືອງກາສີ ແຂວງວຽງຈັນ ຈະຂຶ້ນຄ້ອຍພູເກົ້າຫຼັກ ແລະ ຖ້າມາແຕ່ເມືອງນານ ແຂວງຫຼວງພະບາງ ຈະລົງຄ້ອຍພູເກົ້າຫຼັກ ດັ່ງນັ້ນຖ້າຜູ້ຂັບລົດ ບໍ່ຊຳນິຊໍານານຕໍ່ເສັ້ນທາງດັ່ງກ່າວ ແລະ ສະພາບຂອງລົດບໍ່ຮັບປະກັນກໍຈະມີຄວາມ ສ່ຽງຕໍ່ການເກີດອຸປະຕິເຫດ, ເພາະວ່າໄລຍະ ທາງດັ່ງກ່າວເປັນພູສູງຊັນ, ຄົດໂຄ້ງໄປມາໃນ ການຂຶ້ນຄ້ອຍ, ລົງຄ້ອຍທີ່ຍາວ, ບາງຍ່ານ ອາດຈະມີນໍ້າໄຫຼຊືມ, ເປັນຂີ້ໄຄ, ເຊິ່ງອາດຈະ ເຮັດໃຫ້ຜິວຖະໜົນມື່ນ.  […]

Read more

ສູນກາງແນວລາວສ້າງຊາດນຳທີມງານແພດໃຫ້ການຊ່ວຍ ເຫຼືອປະຊາຊົນຢູ່ແຂວງ ສະຫວັນນະເຂດ

ສູນກາງແນວລາວສ້າງຊາດໄດ້ນຳເອົາເຄື່ອງຊ່ວຍເຫຼືອທີ່ມີມູນຄ່າ ເກືອບ 60 ລ້ານກີບ ໄປຊ່ວຍປະຊາຊົນຢູ່ແຂວງ ສະຫວັນນະເຂດພາຍຫຼັງທີ່ມີ ການລະບາດຂອງພະຍາດໄຂ້ຍຸງ ລາຍ.ໃນລະຫ່ວາງວັນທີ 18-21/08/2019, ທ່ານ ປອ ໄຊສົມພອນ ພົມວິຫານ ກໍາມະການກົມການ​ເມືອງສູນ ກາງພັກ, ປະທານສູນກາງແນວລາວສ້າງ ຊາດ, ພ້ອມຄະນະ ແລະ ທີມງານແພດ ລົງໄປເຄື່ອນໄຫວຢ້ຽມຢາມແລະ ກວດສຸຂະພາບໃຫ້ແກ່ປະຊາຊົນ 3 ເມືອງ ຂອງແຂວງ ສະຫັວນນະເຂດ ຄື: ນະຄອນໄກສອນພົມວິຫານ, ເມືອງຈຳພອນ ແລະ ເມືອງພີນ. ພະຍາດໄຂ້ຍຸງລາຍໄດ້ລະບາດໃນທົ່ວປະເທດ ແລະ ແຂວງສະຫວັນນະເຂດ ກໍເປັນ ແຂວງໜຶ່ງທີ່ມີການລະບາດຢ່າງ ຮຸນແຮງ, ນຳມາເຖິງການສູນເສຍຊີວິດຂອງປະຊາຊົນເປັນຈຳນວນຫຼາຍ.ດັ່ງນັ້ນ ສູນກາງແນວລາວສ້າງ ຊາດ ຈຶ່ງໄດ້ນຳເອົາທີມງານແພດ ແລະ ຊ່ຽວຊານຈາກໂຮງໝໍຕ່າງໆ ຈາກສູນກາງ ແລະ ພາຍໃນແຂວງ ລົງໃຫ້ບໍລິການທາງດ້ານສຸຂະສຶກສາ ແລະ ບໍລິການກວດສຸຂະພາບ ໃຫ້ແກ່ປະຊາຊົນ. ພ້ອມກັນນີ້ ທ່ານ ຍັງໄດ້ນຳເອົາເຄື່ອງອຸປະ ກອນການແພດ, ການສຶກສາ ແລະ […]

Read more

ການນຳກະຊວງໄປຢ້ຽມຢາມ ແລະ ໃຫ້ກຳລັງໃຈຜູ້ເຄາະຮ້າຍຈາກ ລົດເມເກີດອຸປະຕິເຫດ

ໃນຕອນບ່າຍຂອງມື້ນີ້ 21/08/2019 ການນຳກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ໄປ ຢ້ຽມຢາມ ແລະ ໃຫ້ກຳລັງໃຈແກ່ນັກ ທ່ອງທ່ຽວຈີນ 20 ຄົນ ທີ່ໄດ້ຮັບບາດເຈັບຈາກການເກີດອຸປະຕິເຫດລົດເມນັກທ່ອງທ່ຽວຢູ່ແຂວງ ຫຼວງພະບາງ ໃນວັນທີ 19/08/2019 ທີ່ຜ່ານມາ.ທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ສະແດງຄວາມເສຍໃຈຕໍ່ການເກີດອຸປະຕິເຫດ ແລະ ທ່ານ ຍັງໄດ້ແນະນຳ ໃຫ້ຜູ້ຮັບບາດເຈັບຈົ່ງອົດທົນປິ່ນປົວ ໃຫ້ດີ ແລະ ແຂງແຮງຢູ່ທີ່ນີ້.ທ່ານ ສຈ. ດຣ. ບໍ່ແສງຄຳ ວົງດາລາ ໄດ້ນໍາພາຄະນະໄປຢ້ຽມຢາມ ລວມມີ ຮອງລັດຖະມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທ່ານ ບົວເງິນ ຊາພູວົງ ແລະ ທ່ານ ສະຫວັນຄອນ ຣາຊມຸນຕຣີ ທີ່ໂຮງໝໍ […]

Read more

ນະຄອນຫຼວງ ຖືກນໍ້າຖ້ວມຫຼາຍຈຸດຫຼັງຈາກຝົນຕົກແຮງມື້ເຊົ້ານີ້

ນັບແຕ່ 2 ໂມງເຊົ້າ ຂອງ ວັນທີ 21/08/2019 ເປັນຕົ້ນມາຖືວ່ານະຄອນຫຼວງວຽງຈັນໄດ້ຮັບຜົນກະທົບຈາກນ້ຳຖ້ວມຂັງຢູ່ຫຼາຍພື້ນທີ່ພາຍຫຼັງທີ່ມີຝົນຕົກແຮງໃນຂອບເຂດທົ່ວນະຄອນຫຼວງເປັນເວລາຫຼາຍກວ່າ 1 ຊົ່ວໂມງ.ຝົນໄດ້ຕົກແຮງສົມຄວນໃນນະຄອນຫຼວງວຽງຈັນໃນເວລາປະມານ 02:20 ໂມງ ຫາ 03:20 ໂມງຕອນເດິກທີ່ຜ່ານມາເຮັດໃຫ້ຮ່ອງລະບາຍນ້ຳໃຫຍ່ຫຼາຍແຫ່ງມີປະລິມານນ້ຳຫຼາຍ ແລ້ວໄຫຼບໍ່ທັນເປັນເຫດເຮັດໃຫ້ນ້ຳຍື່ງຈາກຮ່ອງເລັກຮ່ອງນ້ອຍຂຶ້ນມາຖ້ວມເຮືອນຊານປະຊາຊົນ ແລະ ບັນດາທຸລະກິດຫຼາຍບ່ອນ.ທ່ານ ນາງ ສີສະຫວັນ ຄະນະບ້ານອູບມຸງ ເມືອງສີໂຄດຕະບອງໄດ້ກ່າວໃນຕອນເຊົ້າວ່າ: ຂ້ອຍມາຢູ່ບ້ານນີ້ 30 ກວ່າປີ ບໍ່ເຄີຍເຫັນນ້ຳຢູ່ຄອງລະບາຍນ້ຳໃຫຍ່ໃກ້ກັບຕະຫຼາດຊາງຈຽງນີ້ ລົ້ນມາຖ້ວມເຮືອນປະຊາຊົນແຖວນີ້ຈັກເທື່ອ, ອາດເປັນຍ້ອນຂີ້ເຫຍື້ອ ຫລື ສິ່ງປຸກສ້າງຕ່າງໆຕັນຮ່ອງລະບາຍນ້ຳໃຫຍ່ໃນທົ່ວເທດສະບານ ນະຄອນຫຼວງວຽງຈັນ ຈຶ່ງເຮັດໃຫ້ເຫດການດັ່ງກ່າວເກີດຂຶ້ນ.ທ່ານ ຍັງໄດ້ກ່າວຕື່ມອີກວ່າ: ເວລາຝົນຮ້ວຍລົງກໍ່ໃຊ້ເວລາບໍ່ດົນທີ່ລະດັບນ້ຳຂັງນັ້ນກໍ່ຫຼົດລົງເຊັນກັນ. ຢາກຂໍໃຫ້ປະຊາຊົນທຸກຄົນເປັນເຈົ້າການໃນການທຳຄວາມສະອາດຮ່ອງລະບາຍນ້ຳຊ່ວຍກັນເພື່ອເຮັດໃຫ້ທາງນ້ຳໄຫຼສະດວກໃນລະດູຝົນນີ້.ນັກຂ່າວໜັງສືພິມວຽງຈັນທາຍໄດ້ລົງເກັບກຳຂໍ້ມູນຮ່ອງລະບາຍນ້ຳໃຫຍ່ໃນຫຼາຍບ່ອນຢູ່ໃນກາງເມືອງຫຼວງໃນຕອນເຊົ້າມື້ນີ້ ກໍ່ໄດ້ພົບວ່າ ມີນ້ຳຖ້ວມທາງຫລາຍຈຸດຍ້ອນປະລິມານນ້ຳຝົນທີ່ຕົກຫຼາຍພໍສົມຄວນໃນເຊົ້ານີ້. ລະດູຝົນປີນີ້ຖືວ່າຫາກໍ່ມີຝົນຕົກແຮງ ແລະ ດົນ ກໍ່ແມ່ນມື້ເຊົ້ານີ້ຕອນເດິກ ແລະ ກໍ່ມີປັນຫາຕາມມາຄືນ້ຳຖ້ວມຂັງ, ຍັງອີກຫຼາຍມື້ທີ່ຢູ່ໃນໄລຍະລະດູຝົນ ຖ້າມີຝົນຕົກຕິດຕໍ່ກັນຫຼາຍກວ່າຊົ່ວໂມງແມ່ນວ່າ ນະຄອນຫຼວງຈະມີນ້ຳຖ້ວມສູງຫຼາຍຂຶ້ນ. ສະນັ້ນ, ການຮ່ວມມືກັນໃນການອະນາໄມຂີ້ເຫຍື້ອຕາມຮ່ອງລະບາຍນ້ຳໃຫຍ່ນ້ອຍທັງໝົດໃນນະຄອນຫຼວງແມ່ນເປັນໜ້າທີ່ຂອງໝົດທຸກຄົນ. ພ້ອມກັນນັ້ນທາງພາກລັດຄວນມີທາງອອກໃນການແກ້ໄຂບັນຫາດັ່ງກ່າວ.ບົດຂ່າວ: ສຸກນີລັນດອນພາບ: ຄຳຕົ້ນ ວໍລະຈັກ

Read more

ຂົວນ້ຳຫາວ ແຂວງອຸດົມໄຊ ສາມາດສັນຈອນໄດ້ປົກກະຕິແລ້ວ

ພະແນກ ໂຍທາທິການ ແລະ ຂົນສົ່ງ ແຂວງອຸດົມໄຊໃຫ້ຮູ້ວ່າ ປັດຈຸບັນ ການສັນຈອນຜ່ານຂົວນ້ຳຫາວ ເມືອງແບງ ແຂວງອຸດົມໄຊ ແມ່ນເປີດໃຫ້ນຳໃຊ້ເປັນປົກແລ້ວຫຼັງຈາກທີ່ໄດ້ຮັບຜົນກະທົບຈາກນ້ຳປ່າໄຫຼຊຸໃນມື້ວັນເສົາທີ 17/8/2019 ທີ່ຜ່ານມາ.ທ່ານ ວັນນະຈັນ ນັນຕະສີນ ວິຊາການ ພະແນກໂຍທາທິການ ແລະ ຂົນສົ່ງ ແຂວງ ອຸດົມໄຊ ໄດ້ກ່າວຕໍ່ທີມງານຂ່າວວຽງຈັນທາຍມື້ເຊົ້ານີ້ 21/8/2019 ວ່າ ຫຼັງຈາກທີ່ນ້ຳປ່າໄຫຼຊຸ ສົ້ນຂົວນ້ຳຫາວ ໃນຕອນເຊົ້າວັນເສົາທີ 17/8/2019 ທີ່ຜ່ານມາ ໄດ້ເຮັດໃຫ້ສົ້ນຂົວຍຸບ ແລະ ມີເຮືອນຫຼັງໜຶ່ງຢູ່ໃກ້ສົ້ນຂົວຖືກຍຸບໄປກັບສາຍນ້ຳ ຸໂຊກດີບໍ່ມີຜູ້ເສຍຊີວິດ. ຫຼັງຈາກສົ້ນຂົວຖືກເປ່ເພ ທາງພະແນກໂຍທາທິການ ແລະ ຂົນສົ່ງ ແຂວງ ອຸດົມໄຊ ໄດ້ມີການສ້ອມແປງ ແລະ ສາມາດສັນຈອນໄດ້ປົກກະຕິ ແຕ່ມາມື້ວານນີ້ 20/8/2019 ສົ້ນຂົວນ້ຳຫາວໄດ້ຍຸບລົງອີກເທື່ອໜຶ່ງ ແລະ ໄດ້ເຮັດໃຫ້ການສັນຈອນຕິດຂັດ ໂດຍສະເພາະລົດບັນທຸກໜັກບໍ່ສາມາດຜ່ານໄດ້ ດັ່ງນັ້ນ ທາງ ພະແນກໂຍທາທິການ ແລະ ຂົນສົ່ງ ໄດ້ມີການສ້ອມແປງສຸກເສີນ ແລະ ມາຮອດຕອນແລງລົດບັນທຸກໜັກສາມາດທຽວໄດ້ປົກກະຕິ. ທ່ານ […]

Read more

ເຮລີຄອບເຕີກອງທັບອາກາດລົງຈອດສຸກເສີນ 19 ຊີວິດປອດໄພ

ຍົນເຮລີຄອບເຕີ Mi17B5 ຂອງກອງທັບອາກາດ ໄດ້ລົງຈອດສຸກເສີນແລະຜູ້ໂດຍສານ 19 ຄົນ ລວມທັງຜູ້ຂັບຍົນມີຄວາມປອດໄພ ສ່ວນຍົນ ເສຍຫາຍສົມຄວນ. ສາເຫດການລົງຈອດສຸກ ເສີນ ກໍຍ້ອນວ່າມີລົມພັດຢ່າງຮຸນແຮງຢູ່ແຂວງ ໄຊສົມບູນ ໃນວັນທີ 17/08/2019 ທີ່ຜ່ານມາ.ຕາມການລາຍງານຂອງກອງທັບອາກາດໃນຕອນບ່າຍມື້ນີ້ 20/08/2019 ວ່າ ຍົນເຮລີຄອບເຕີລໍາ ດັ່ງກ່າວໄດ້ບັນທຸກພົນທະຫານ 19 ຄົນເພື່ອໄປ ປະຕິບັດພາລະກິດຢູ່ແຂວງໄຊສົມບູນ, ເມື່ອໄປ ຮອດຈຸດດັ່ງກ່າວສະພາບຂອງອາກາດໄດ້ມີ ການປ່ຽນແປງຢ່າງໄວ, ມີລົມພັດແຮງ ເຊິ່ງເຮັດ ໃຫ້ນັກບິນບໍ່ສາມາດຂັບຍົນລໍາດັ່ງກ່າວໄປຕໍ່ໄດ້ ຈຶ່ງຕັດສິນໃຈລົງຈອດສຸກເສີນຢູ່ກາງທົ່ງຫຍ້າ. ຍ້ອນລົມພັດແຮງ ຄວບຄຸມບໍ່ໄດ້ເທົ່າທີ່ຄວນ ຈຶ່ງເຮັດໃຫ້ ຍົນລຳດັ່ງກ່າວໄປກະທົບໃສ່ກັບພື້ນ ຢ່າງແຮງເຮັດໃຫ້ຍົນເສຍຫຼັກ ແຕ່ຍ້ອນຄວາມ ຊໍານິຊໍານານ ແລະ ຄວາມສາມາດຂອງນັກບິນຈຶ່ງ ສາມາດຄວບຄຸມເຄື່ອງບິນລົງຈອດໄດ້ຢ່າງປອດ ໄພ. ແຕ່ເຮຶ່ອບິນລຳດັ່ງກ່າວໄດ້ຮັບຄວາມເສຍຫາຍຫຼາຍພໍສົມຄວນ ແລະ ບໍ່ສາມາດຂັບໄປຕໍ່ ໄດ້, ໂຊກດີບໍ່ມີໃຜໄດ້ຮັບບາດເຈັບຈາກເຫດ ການດັ່ງກ່າວ.ຂ່າວ: ສຸກນີລັນດອນ

Read more

ເຈົ້າໜ້າທີ່ສະຫຼຸບ: ມີຜູ້ເສຍຊີວິດ 13 ຄົນ ຈາກອຸປະຕິເຫດລົດເມຕົກຂົວຢູ່ເມືອງນານ, ຫຼວງພະບາງ

ເຈົ້າໜ້າທີ່ປ້ອງກັນຄວາມສະຫງົບ ແຂວງຫຼວງພະບາງລາຍງານໃນຕອນ ບ່າຍມື້ນີ້ 20/08/2019 ວ່າ: ປະຈຸບັນໄດ້ເກັບກູ້ສົບຜູ້ເສຍຊີວິດທັງໝົດຂຶ້ນມາແລ້ວ ຈາກອຸປະຕິເຫດ ລົດເມນັກທ່ອງທ່ຽວຕົກຂົວນ້ຳງ້າວ ບ້ານທ່າເມືອງ, ເມືອງນານ ໃນເວລາປະມານ 15:30 ໂມງ ຂອງມື້ວານນີ້ ເປັນເຫດໃຫ້ມີ ຜູ້ເສຍຊີວິດ 13 ຄົນ ແລະ ບາດເຈັບ 33 ຄົນ.ທ່ານ ພັນໂທ ສົມບູນ ທະນາວັນ ຫົວໜ້າຫ້ອງຕຳຫຼວດ ປກສ ແຂວງ ຫຼວງພະບາງ ໄດ້ໃຫ້ສຳພາດຕໍ່ທິມຂ່າວ ໜັງສືພິມວຽງຈັນທາຍວ່າ: ເຈົ້າໜ້າທີ່ທະຫານ, ຕຳຫຼວດ ແລະ ໜ່ວຍກູ້ໄພ ໄດ້ເປັນເຈົ້າການໃນການ ຊ່ວຍເຫຼືອຜູ້ບາດເຈັບ ແລະ ເກັບກູ້ ຊາກສົບຜູ້ເສຍຊີວິດໃນຄັ້ງນີ້ ເນື່ອງ ຈາກວ່າສະພາບພູມລຳເນົາໃນບໍລິເວນທີ່ເກີດເຫດນັ້ນເປັນເຫວຊັນສູງ ປະມານ 100 ແມັດ ສະນັ້ນເປັນອຸປະສັກໃນການປະຕິບັດໜ້າທີ່ດັ່ງກ່າວ. ແຕ່ເຖິງຢ່າງໃດກໍຕາມພວກເຮົາກໍສາ ມາດສຳເລັດໃນການເກັບກູ້ສົບຜູ້ເສຍຊີວິດທີ່ຍັງຄາຢູ່ໃນລົດໃນເວລາ 11 ໂມງຂອງມື້ນີ້ ແລ້ວນຳສົ່ງໄປໄວ້ ທີ່ໂຮງໝໍແຂວງເພື່ອລໍຖ້າການຕິດຕໍ່ຫາຍາດຕິພີ່ນ້ອງມາຮັບເອົາ. ສ່ວນຜູ້ບາດເຈັບຈຳນວນໜຶ່ງກໍໄດ້ຮັບການປີ່ນປົວຢູ່ທີ່ໂຮງໝໍດັ່ງກ່າວ ແລະ ຈຳນວນໜຶ່ງກໍສົ່ງມາປີ່ນປົວຢູ່ທີ່ […]

Read more

ລົດເມທ່ອງທ່ຽວຕົກຂົວເສຍຊີວິດ 12 ຄົນຢູ່ເມືອງນານ

ເກີດເຫດເລົດເມທ່ອງທ່ຽວຕົກຂົວ ຢູ່ເຂດບ້ານນາເມືອງ, ເມືອງນານ, ແຂວງຫຼວງພະບາງ ໃນເວລາປະມານ 4 ໂມງແລງຂອງມື້ວານນີ້ 19/08/2019 ເຮັດໃຫ້ມີຜູ້ເສຍຊີວິດທັງໝົດ 12 ຄົນ ແລະ ບາດເຈັບອີກ 34 ຄົນ.ລົດເມຄັນດັ່ງກ່າວມີຜູ້ໂດຍສານທັງໝົດ 46 ຄົນ ໃນນັ້ນມີຄົນລາວ 3 ຄົນ ນອກນັ້ນແມ່ນນັກທອ່ງທຽ່ວຈີນ. ອຸປະຕິເຫດດັ່ງກ່າວເຮັດໃຫ້ມີຜູ້ເສຍຊີວິດຄາທີ 12 ຄົນ ເປັນນັກທ່ອງທຽ່ວຈີນທັງໝົດ, ບາດເຈັບສົມຄວນ 27 ແລະ ບາດເຈັບເລັກໜ້ອຍ 7 ຄົນ.ທ່ານ ນາງ ເລັນດາ ແກ້ວມະນີ ອາສາກູ້ໄພໜ່ວຍກູ້ຊີບກູ້ໄພກາແດງຫລວງພະບາງ ໄດ້ກ່າວຕໍ່ທິມງານວຽງຈັນທາຍມື້ເຊົ້ານີ້ 20/8/2019 ວ່າ: ສະເພາະຜູ້ເສຍຊີວິດ 12 ຄົນ ເປັນນັກທອ່ງທຽ່ວຈີນ, ສາມາດເກັບກູ້ໄດ້ແລ້ວ 8 ສົບ ສ່ວນຍັງເຫຼືອອີກ 4 ສົບ ແມ່ນຍັງຖືກລົດເມທັບ ຕ້ອງໄດ້ໃຊ້ລົດຍົກຈຶ່ງຈະສາມາດເອົາສົບທີ່ຍັງເຫຼືອ ອອກມາໄດ້ຄາດວ່າຈະສາມາດກູ້ສົບທັງໝົດອອກມາໄດ້ພາຍໃນມື້ນີ້.ທ່ານນາງ ເລັນດາ ແກ້ວມະນີ ໄດ້ກ່າວຕື່ມວ່າ: ສົບຜູ້ເສຍຊີວິດແມ່ນໄດ້ນຳເອົາໄປໄວ້ຢູ່ໂຮງໝໍ […]

Read more