logo

ປະຊາຊົນບ້ານແຊລະບຳທີ່ໄດ້ຮັບຜົນກະທົບຈາກນໍ້າຖ້ວມ ຮຽກຮ້ອງໃຫ້ຂັ້ນເທີງແບ່ງດິນ ແລະ ທືນເພື່ອສ້າງເຮືອນໃໝ່

ປະຊາຊົນຈຳນວນ 109 ຫຼັງຄາເຮືອນຢູ່ບ້ານ ແຊລະບຳ ເມືອງຊະນະສົມບູນ ແຂວງຈຳປາສັກ ທີ່ໄດ້ຮັບຜົນກະທົບຈາກໄພນ້ຳຖ້ວມໃນຕົ້ນ ເດືອນ ກັນຍາ ທີ່ຜ່ານມາ ສ່ວນຫຼາຍຍັງອາໄສຢູ່ ເຮືອນພັກຊົ່ວຄາວ ແລະ ເຮືອນພີ່ນ້ອງ ຍ້ອນວ່າຍັງ ບໍ່ມີທີ່ດິນ ແລະ ທືນເພື່ອປຸກສ້າງເຮືອນໃໝ່. ສ່ວນທີ່ດິນເກົ່າແມ່ນຖືກນ້ຳເຊາະເປັນຮອງເປັນຂຸມໃຊ້ການບໍ່ໄດ້ ແລະ ມີຄວາມສ່ຽງທີ່ຈະເກີດນ້ຳຖ້ວມອີກ.ທ່ານ ທະວີຈິດ ໂຊພາ ປະຊາຊົນບ້ານແຊລະບຳ ເມືອງຊະນະສົມບູນ ທີ່ໄດ້ສູນເສຍເຮືອນສອງຫຼັງ ລວມທັງເຄື່ອງໃຊ້ຄົວເຮືອນ ທີ່ມີມູນຄ່າ 148 ກວ່າລ້ານກີບໃຫ້ສຳພາດຕໍ່ສື່ມວນຊົນໃນບໍ່ດົນມານີ້ວ່າ: ຂ້າພະເຈົ້າ ກໍ່ຄືຕາງໜ້າປະຊາຊົນຢູ່ບ້ານ ແຊລະບຳ ຢາກໃຫ້ຂັ້ນເທີງຊ່ວຍຮີບດ່ວນ, ເຊິ່ງຄວາມຕ້ອງການໃນປັດຈຸບັນຢາກໃຫ້ເພີ່ນຊ່ວຍ ຈັດສັນທີ່ດິນໃຫ້ ຄອບຄົວທີ່ໄດ້ຮັບຜົນກະທົບໜັກ ພ້ອມທັງຕໍ່ໄຟຟ້າເຂົ້າ, ເຈາະນ້ຳບາດານ ແລະ ພ້ອມທັງຊ່ວຍທືນປຸກສ້າງເຮືອນໃໝ່ ດຽວນີ້ແມ່ນໄດ້ອາໄສຢູ່ເຮືອນພີ່ນ້ອງເປັນບ່ອນເພິ່ງພາອາໄສຊົ່ວຄາວ ເພາະຍັງບໍ່ມີດິນ ແລະ ທືນເພື່ອປຸກເຮືອນໃໝ່. ຜ່ານມາທາງຂັ້ນເທີງກໍ່ໄດ້ມີການຊ່ວຍເຫຼືອປະເພດເຂົ້າສານ, ອາຫານແຫ້ງ, ນ້ຳດື່ມ ແລະ ສັງກະສີຈຳນວນ 16 ແຜ່ນຕໍ່ຄອບຄົວ ເພື່ອໃຫ້ກຳລັງໃຈ.ເຫດການນໍ້າຖ້ວມ ບ້ານແຊລະບຳ ເຮັດໃຫ້ເຮືອນ […]

Read more

ຄວາມສະເໝີພາບຂອງໄວໜຸ່ມຢູ່ຊົນນະບົດ ແລະ ຕົວເມືອງ ດ້ານການສືກສາ ແລະ ລາຍຮັບຍັງມີຄວາມແຕກຕ່າງກັນ

‘‘ຄວາມສະເໝີພາບດ້ານບົດບາດຍິງ-ຊາຍ ໃນໄວໝຸ່ມ: ບັນຫາ, ສິ່ງທ້າທາຍ ແລະ ທິດທາງ ໃນຕໍ່ໜ້າ’’ ໄດ້ຖືກຍົກມາເປັນຫົວຂໍ້ຂອງກອງ ປະຊຸມວ່າດ້ວຍການຄົ້ນຄວ້າກ່ຽວກັບໄວໝູ່ມຄັ້ງທີ 4 ທີ່ໄດ້ຈັດຂຶ້ນໃນບໍ່ດົນມານີ້ ທີ່ນະຄອນຫຼວງວຽງຈັນ, ຈັດໂດຍສະຖາບັນສາທາລະນະສຸກສາດ ແລະ ການແພດເຂດຮ້ອນ ຮ່ວມກັບອົງການສະຫະປະຊາຊາດກອງທືນປະຊາກອນ (UNFPA) ແລະ ອົງການ MCNV ປະຈຳລາວ.ກອງປະຊຸມຄັ້ງນີ້ແມ່ນເປັນເວທີປຶກສາຫາລືເພື່ອກຳນົດນະໂຍບາຍຂອງບັນດາຄູ່ຮ່ວມພັດທະນາຈາກພາກພື້ນ. ຜູ້ເຂົ້າຮ່ວມໄດ້ມີການແລກປ່ຽນບົດຮຽນ ແລະ ຂໍ້ມູນຫຼັກຖານການຄົ້ນຄວ້າເພື່ອການຮ່ວມມືໃນຕໍ່ໜ້າທີ່ຈະເປັນປະໂຫຍດລວມແກ່ໄວໝູ່ມ.ທ່ານ ນາງ ມາຮຽມ ເອ ຄານ (Mariam A. Khan) ຕາງໜ້າອົງການ UNFPA ໄດ້ກ່າວໃນ ກອງປະຊຸມວ່າ: ການສ້າງຫຼັກຖານການຄົ້ນຄວ້າ ທີ່ມີຄຸນນະພາບ ຜ່ານຂໍ້ມູນທີ່ແບ່ງແຍກໂດຍເພດ ນອກນັ້ນຍັງມີປັດໄຈອື່ນໆເປັນຕົ້ນ ແມ່ນການ ຄົ້ນຄວ້າ ກ່ຽວກັບໄວໝຸ່ມຢູ່ຊົນນະບົດ ຢູ່ໃນຕົວ ເມືອງ ລວມທັງການສືກສາ ແລະ ລາຍຮັບຂອງ ພວກເຂົາເຈົ້າ ຈະຊ່ວຍໃຫ້ພວກເຮົາເຂົ້າໃຈຄວາມແຕກຕ່າງ ຂອງໄວໝຸ່ມແຕ່ລະຂົງເຂດ ແລະ ຈະເປັນກະແຈສຳຄັນຂອງການສະໜອງ ຂໍ້ມູນ, ການຕິດຕາມ ແລະ […]

Read more

ເດັກຍິງຈຳນວນຫຼາຍຢູ່ເຂດຫ່າງໄກສອກຫຼີກ ບໍ່ໄດ້ເຂົ້າໂຮງ ຮຽນຍ້ອນຄວາມເຊື່ອຖືແບບເກົ່າ

ເຂດຊົນນະບົດ ແລະ ເຂດຫ່າງໄກສອກ ຫຼີກຫລາຍບ່ອນໃນແຂວງສະຫວັນນະ ເຂດຍັງ ປະສົບກັບບັນຫາສິ່ງທ້າທາຍຫຼາຍ ດ້ານເປັນຕົ້ນແມ່ນດ້ານຄວາມທຸກ ຍາກຂອງປະຊາຊົນ, ການເຂົ້າເຖິງລະບົບສາທາລະນະສຸກ, ການສືກສາ, ຍັງເຊື່ອຖືງົມງວຍ, ຮິດຄອງປະເພນີ ແລະ ວັດທະນາທຳແບບດັ່ງເດີມທີ່ເປັນ ໂຕກົດ ໜ່ວງການພັດທະນາໃນຍຸກແຫ່ງການປ່ຽນແປງໃໝ່.ທ່ານ ຄຳພູນ ຕຸໄພທູນ ຮອງເຈົ້າແຂວງ ສະຫວັນ ນະເຂດ ທັງເປັນຄະນະກຳມາທິການ ເພື່ອຄວາມ ກ້າວໜ້າຂອງແມ່ຍິງ ແລະ ເດັກນ້ອຍ ແຂວງສະຫວັນນະເຂດໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້. ທ່ານຍັງກ່າວອີກວ່າ ຍັງມີຜູ້ປົກຄອງເດັກຈຳນວນຫຼາຍຢູ່ ແຂວງ ສະຫວັນນະເຂດ ໂດຍສະເພາະທີ່ອາໃສຢູ່ເຂດຊົນນະບົດ ແລະ ເຂດຫ່າງໄກສອກຫຼີກຍັງມີຄວາມເຊື່ອຖືແບບງົມງວາຍ ຍັງຢືດ ຖືຮີດຄອງປະເພນີ ແລະ ວັດທະນາທຳແບບດັ່ງເດີມ, ຄືພວກເຮົາຮູ້ແລ້ວ ວ່າການປ່ຽນແປງໃໝ່ໂດຍສະເພາະການປ່ຽນ ແປງທາງດ້ານຈິນຕະນາການຕ້ອງໃຊ້ເວລາ ພຽງແຕ່ໄລຍະ 30-40 ປີ ຈະປ່ຽນແນວຄິດທາງ ດ້ານວັດທະນາທຳຂອງຄົນລາວແມ່ນຍາກຫຼາຍ, ເດັກນ້ອຍກໍ່ຄືກັນຢາກປ່ຽນແປງແນວຄິດ ແລະ ຄວາມເຊື່ອຖືແບບເກົ່າຕ້ອງໄດ້ລົງທຶນໃສ່ການສືກສາໃຫ້ມັນຫຼາຍ ໂດຍສະເພາະຕ້ອງໄດ້ພັດທະນາ ເດັກ ແຕ່ຢູ່ໃນທ້ອງແມ່ ແຕ່ຍັງຫ່າງໄກຫຼາຍ ເພາະວ່າໂຮງຮຽນລ້ຽງເດັກ ແລະ […]

Read more

ຫຼາຍແຂວງສຳເລັດການແຂ່ງຂັນຊ່ວງເຮືອບຸນອອກພັນສາ 2019

ບຸນອອກພັນສາປະວໍລະນາ ພສ 2562 ຢູ່ຫຼາຍແຂວງໄດ້ຈັດ ຂຶ້ນຢ່າງຄຶກຄື້ນໂດຍມີກິດຈະກໍາຕ່າງໆ ເຊັ່ນແຂ່ງຂັນຊ່ວງເຮືອ, ວາງສະແດງຜະລິດຕະພັນຫັດຖະກໍາ ແລະ ກະສີກໍາພື້ນບ້ານ ຕ່າງໆ ເພື່ອໃຫ້ຜູ້ໄປງານບຸນໄດ້ຊື້ໄປບໍລິໂພກ ແລະ ເປັນທີ່ລະລຶກ.ຢູ່ແຂວງໄຊຍະບູລີ ມີເຮືອເຂົ້າຮ່ວມແຂ່ງຂັນ 3 ປະເພດຄື: ເຮືອໄວປະເພນີເພດຍິງ ມີ 16 ລໍາ, ເຮືອໄວປະເພນີເພດຊາຍມີ 20 ລໍາ ແລະ ເຮືອສູດມີ 7 ລໍາ, ການແຂ່ງຂັນໄດ້ຈັດຂຶ້ນໃນ ລະຫວ່າງວັນທີ 13-14 ຕຸລານີ້ ທີ່ສາຍນໍ້າຮຸ່ງ.ຜົນການແຂ່ງຂັນເຮືອໄວເພດຍິງຊະນະເລີດອັນດັບທີ I ເຮືອບ້ານນາຕໍໃຫຍ່ ໄດ້ຮັບຂັນເງິນ ນໍ້າໜັກ 1,5kg ພ້ອມເງິນສົດ 12 ລ້ານກີບ.ເຮືອໄວເພດຊາຍຊະນະເລີດອັນດັບທີ I ບ້ານສີເມືອງຄຸນ ໄດ້ຮັບຂັນເງິນ ນໍ້າໜັກ 1,5kg ພ້ອມເງິນສົດ 12 ລ້ານກີບ ແລະ ເຮືອສູດຊະນະເລີດອັນດັບທີ I ເຮືອບໍລິສັດຈັນທະວົງ ໄດ້ຮັບຂັນເງິນ 1,5kg ພ້ອມເງິນສົດ […]

Read more

ໂຄງການເຂື່ອນໄຟຟ້າດອນສະໂຮງໄດ້ຈັດພິທີທົດລອງຜະລິດກະແສໄຟຟ້າຂຶ້ນ

ໂຄງການເຂື່ອນໄຟຟ້າດອນສະໂຮງໄດ້ຈັດພິທີທົດລອງຜະລິດກະແສໄຟຟ້າຂຶ້ນໃນ ຕອນບ່າຍວັນທີ 11 ຕຸລາ 2019 ເລີ່ມຕົ້ນດ້ວຍພິທີທາງສາສະໜາ ເພື່ອສູດປະລິຕະມົງຄຸນ ເຄົາລົບບູຊາເຈົ້າທີ່ເຈົ້າຖານເຂດຂອງໂຄງການ.ເຂົ້າຮ່ວມພິທີຄັ້ງນີ້ ມີທ່ານ ສົມສະຫວາດ ເລັ່ງສະຫວັດ ທີ່ປຶກສາຄະນະບໍລິຫານສູນກາງພັກ ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ມີທ່ານຮອງເຈົ້າແຂວງ ຈຳປາສັກ ທ່ານປະທານບໍລິສັດໄຟຟ້າດອນສະໂຮງຈຳກັດ ແລະ ຕົວ ແທນພາກສ່ວນທີ່ກ່ຽວຂ້ອງເຂົ້າຮ່ວມ.

Read more

ການຊ່ວງເຮືອປະຈໍາປີທີ່

ການຊ່ວງເຮືອປະຈໍາປີທີ່ ນະຄອນຫຼວງວຽງຈັນໄດ້ຈົບໄປດ້ວຍ ຄວາມຈົບງາມໃນຕອນແລງຂອງມື້ວັນທີ 14/10/2019 ໂດຍແມ່ນເຮືອປະເພນີຊາຍ 55 ສີພາຍ ຂອງຮີສອດປາກນ້ຳຄານ ແລະ ເຮືອປະເພນີຍິງ 55 ສີພາຍ ຂອງບໍລິສັດ ແສງເພັດກໍ່ສ້າງໄດ້ຊະນະເລີດອັນ ດັບໜຶ່ງ. ສ່ວນຊະນະເລີດເຮືອສູດຊາຍ 55 ສີພາຍ ແມ່ນ ບໍລິສັດແສງ ເພັດກໍ່ສ້າງ ແລະ ເຮືອ 12 ສີພາຍແມ່ນເຮືອນາວາສັກສິດ.ທ່ານ ນາງ ບົວລອນ ວົງດາລາແສນ ເຈົ້າເມືອງຈັນທະ ບູລີ ແລະ ທ່ານ ສີຫຸນ ສິດທິລືໄຊ ຮອງເຈົ້າຄອງ ນະຄອນຫຼວງ

Read more

ນາຍົກ ແຫ່ງ ສປປ ລາວ ສົ່ງສານສະແດງຄວາມເຫັນໃຈ ເຖິງລັດຖະບານຍີ່ປຸ່ນ

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວໄດ້ສົ່ງສານສະແດງຄວາມເຫັນໃຈ ເຖິງ ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນໃນ ວັນທີ 14/10/2019 ເນື້ອໃນສານລະບຸວ່າ: ຂ້າພະເຈົ້າມີຄວາມເສົ້າສະຫຼົດໃຈທີ່ໄດ້ຮັບຊາບຂ່າວພະຍຸໃຕ້ຝຸ່ນ Hagibis ໄດ້ພັດເຂົ້າພາກຕາເວັນອອກສຽງໃຕ້ ແລະ ພາກກາງຂອງຍີ່ປຸ່ນ ໃນວັນທີ 12-13 ຕຸລາ 2019 ຊຶ່ງໄດ້ສ້າງຄວາມເສຍຫາຍທາງດ້ານຊີວິດ, ຊັບສິນ, ອາຄານສະຖານທີ່ ແລະ ລະບົບພື້ນຖານໂຄງລ່າງ ຢູ່ເຂດດັ່ງກ່າວຢ່າງໜັກໜ່ວງ.ຂ້າພະເຈົ້າໃນນາມສ່ວນຕົວ ກໍ່ຄືລັດຖະບານ ແລະ ປະຊາຊົນລາວ ສະແດງຄວາມເຫັນໃຈ ແລະ ຂໍແບ່ງເບົາຄວາມທຸກໂສກ ມາຍັງທ່ານ ແລະ ຜ່ານທ່ານໄປຍັງ ລັດຖະບານ ກໍ່ຄືປະຊາຊົນຍີ່ປຸ່ນ ໂດຍສະເພາະຜູ້ທີ່ຖືກເຄາະຮ້າຍ ແລະ ຄອບຄົວຂອງເຂົາເຈົ້າ ຈາກເຫດການໄພພິບັດທາງທຳມະຊາດຄັ້ງນີ້.ລັດຖະບານ ແລະ ປະຊາຊົນລາວທຸກຖ້ວນໜ້າ ຂໍສົ່ງກຳລັງໃຈອັນແຮງກ້າມາຍັງລັດຖະບານ ແລະ ປະຊາຊົນຍີ່ປຸ່ນ ແລະ ເຊື່ອໝັ້ນວ່າພາຍໃຕ້ການຊີ້ນຳ ນຳພາຂອງທ່ານ, ປະຊາຊົນຍີ່ປຸ່ນ ຈະສາມາດຜ່ານຜ່າອຸປະສັກຕ່າງໆໃນການແກ້ໄຂຜົນກະທົບ […]

Read more

ເຮືອນາວາສັກສິດໄດ້ແຊ້ມເຮືອ 12 ສີພາຍຈາກການແຂ່ງຂັນຊ່ວງເຮືອທີ່ທ່າວັດຈັນ

ການແຂ່ງຂັນຊ່ວງເຮືອປະຈຳປີນະຄອນຫຼວງວຽງຈັນທີ່ທ່າວັດຈັນກົງກັບມື້ນີ້ທີ 14 ຕຸລາ 2019 ມີທັງໝົດ 25 ລຳ ເຂົ້າຮ່ວມພິເສດມາຈາກ ແຂວງ ໜອງຄາຍ, ປະເທດໄທ 1 ລຳ. ປະເພດເຮືອປະເພນີຊາຍ 55 ສີພາຍມີ 6 ລຳ ປະກອບມີ ເຮືອລີສອດປາກນ້ຳຄານ ແຊ້ມເກົ່າ, ເຮືອຄອນສະຫວັນ 99 (2), ເຮືອອົງການແມ່ນ້ຳຂອງ, ເຮືອທະນາຄານຮ່ວມພັດທະນາ, ເຮືອເມືອງຈັນທະບູລີ ແລະ ເຮືອຄອນສະຫວັນ 99 (1). ປະເພດເຮືອປະເພນີຍິງ 55 ສີພາຍມີ 6 ລຳປະກອບມີ ບໍລິສັດແສງເພັດກໍ່ສ້າງ ແຊ້ມເກົ່າ, ຄອນສະຫວັນ 99 (1), ເມືອງ ຈັນທະບູລີ, ບ້ານທ່າພະ, ຄອນສະຫວັນ 99 (2) ແລະ ອົງການແມ່ນ້ຳຂອງ. ປະເພດເຮືອສູດຊາຍ 55 ສີພາຍມີ 7 ລຳ ປະກອບມີ […]

Read more

ການ ນໍາກະຊວງ ຖວທ ຊົມເຊີຍທີ່ລາວມີ ໜັງສືພິມອອນລາຍເປັນພາສາຈີນ

ການນໍາກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຍ້ອງຍໍຊົມເຊີຍ, ສະແດງຄວາມປິຕິຍິນດີ ແລະ ພາກພູມໃຈເປັນຢ່າງຍິ່ງທີ່ ສປປ ລາວ ມີໜັງສືພິມອອນລາຍເປັນພາສາຈີນ. ການມີອັນນີ້ນັບວ່າເປັນຊ່ອງທາງທີ່ດີອັນໜຶ່ງໃນການສົ່ງເສີມການຮ່ວມມືລະຫວ່າງສອງປະເທດໃຫ້ຫຼາຍຂຶ້້ນຕື່ມ ແລະ ຫວັງວ່າການຮ່ວມມືລະຫວ່າງໜັງສືພິມພາສາຕ່າງປະເທດກັບສະມາຄົມສົ່ງເສີມເສດຖະກິດ ແລະ ການຄ້າລາວ-ຈີນ ຈະນໍາພາໄປສູ່ຄວາມສໍາເລັດໃນການເຮັດທຸລະກິດບໍລິການດ້ານສື່ ແລະ ຂໍ້ມູນຂ່າວສານເຫຼົ່ານີ້ຈະຊ່ວຍໃຫ້ຊາວຈີນໄດ້ເຂົ້າໃຈກ່ຽວກັບລາວຫຼາຍຂຶ້ນ, ມາທ່ຽວລາວ ແລະ ມາລົງທຶນຢູ່ລາວ ເພື່ອພັດທະນາ ສປປ ລາວ ແລະ ສປ ຈີນ ໃນທຸກຂະແໜງການຄຽງຄູ່ກັນໄປຕາມວິໄສທັດຂອງການນໍາທັງສອງປະເທດໄດ້ລົງນາມຮ່ວມກັນ ເປັນຕົ້ນແຜນແມ່ບົດວ່າດ້ວຍ  ການສ້າງຄູ່ຮ່ວມຊາຕາກໍາລາວ-ຈີນ, ຈີນ-ລາວທີ່ໄດ້ຮັບການລົງນາມໂດຍເລຂາທິການໃຫຍ່ຂອງສອງປະເທດລາວ-ຈີນ ທີ່ເປັນພື້ນຖານໃຫ້ແກ່ການພົວພັນລາວ-ຈີນໃນໄລຍະໃໝ່. ທ່ານ ສະຫວັນຄອນ ຣາຊມຸນຕຣີ ຮອງ ລັດຖະມົນຕີກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ກ່າວຕໍ່ພິທີເປີດເວັບໄຊວຽງຈັນທາຍພາສາລາວ, ພາສາຈີນ ແລະ ການລາຍງານການຈັດພິມໜັງສືພິມວຽງຈັນທາຍສະບັບພິ ເສດ ເພື່ອໂຄສະນາໃຫ້ປີທ່ອງທ່ຽວລາວ-ຈີນ, ວັນທີ 11 ຕຸລາ, 2019 ທີ່ນະຄອນຫຼວງວຽງຈັນວ່າ: ຍຸກນີ້ແມ່ນຍຸກໂລກາພິວັດ, […]

Read more

ເຈົ້າໜ້າທີ່ ທຳລາຍຢາເສບຕິດເກືອບໂຕນໃນວັນຕ້ານຢາເສບຕິດແຫ່ງຊາດ

ນະຄອນຫລວງວຽງຈັນທຳລາຍຢາເສຍຕິດ 700 ກວ່າກິໂລ ເນື່ອງໃນໂອກາດສະເຫຼີມສະຫຼອງວັນແຫ່ງຊາດຕ້ານຢາເສບຕິດຄົບຮອບ 18 ປີ ໃນຕອນເຊົ້າຂອງມື້ນີ້ 12/10/2019.ເຈົ້າຄອງນະຄອນຫລວງວຽງຈັນ ແລະ ເຈົ້າໜ້າທີ່ຂັ້ນສູງຈາກກະຊວງປ້ອງກັນຄວາມສະຫງົບ ພ້ອມທັງບັນດາທູດຕານຸທູດ ແລະ ພາກສ່ວນທີ່ກ່ຽວຂ້ອງໄດ້ຈັດພິທີຈູດທຳລາຍຢາເສບຕິດເນື່ອງໃນ ໂອກາດວັນສຳຄັນດັ່ງກ່າວ.ຢາກເສບຕິດດັ່ງກ່າວລວມມີ ຢາບ້າເກືອບ 400 ກິໂລ, ເຮໂລອິນ 90 ກ່ວາກິໂລ, ຢາໄອສ ຫຼາຍກ່ວາ 37 ກິໂລ, ຄັນຊາ 8 ກິໂລ ແລະ ອື່ນໆ.ຂ່າວ: ສຸກນີລັນດອນພາບ: ພ້ອມພົງMusic by www.bensound.com

Read more