logo

ນັກຂ່າວລາວ-ໄທແລກປ່ຽນປະສົບການ ໃນການຜະລິດຂ່າວໃສ່ສື່ອອນລາຍ

ນັກຂ່າວລາວຈາກຫຼາຍສໍານັກຂ່າວເຂົ້າຮ່ວມ ແລກປ່ຽນປະສົບການແລະທັກສະໃນການ ຜະລິດຂ່າວທີ່ມີຄຸນນະພາບ ໃສ່ສືສັງຄົມ ອອນລາຍ ກັບວິທະຍາກອນຈາກ ມະຫາ ວິທະຍາໄລແຂວງເພັດສະບູນປະເທດໄທ. 
ການແລກປ່ຽນບົດຮຽນຄັ້ງນີ້ແມ່ນການຮ່ວມມືລະຫວ່າງສະມາຄົມນັກຂ່າວແຫ່ງ ສປປ ລາວ ແລະ ສະມາຄົມສະມາຄົມນັກຂ່າວວິ ທະຍຸ ແລະ ໂທລະພາບແຂວງເພັດສະບູນ ປະເທດໄທ.
ນັກຂ່າວລາວ 45 ຄົນຈາກຫຼາຍສຳນັກໃນ ນະຄອນຫຼວງວຽງຈັນ ແລະ ຕ່າງແຂວງໄດ້ ເຂົ້າຮວ່ມພາຍໃຕ້ຫົວຂໍ້ “ທັກສະການຜະ ລິດລາຍການວິທະຍຸ-ໂທລະພາບອອນລາຍ” ລະຫວ່າງ ວັນທີ 02-04/07/2019.
ຈຸດປະສົງກໍ່ເພື່ອເນັ້ນໃສ່ພັດທະນາທັກສະຂອງນັກຂ່າວໃນການເຮັດວຽກງານຂ່າວໂດຍນຳໃຊ້ສື່ແບບໃໝ່. ທ່ານສີພາ ນົງລາດ, ຮອງ ປະທານ ສະມາຄົມນັກຂ່າວແຫ່ງປະເທດ ລາວໄດ້ກ່າວໃນພິທີເປີດໃນມື້ເຊົ້ານີ້ວ່າ: ການປະຕິບັດວຽກງານສື່ມວນຊົນຢູ່ປະເທດ ເຮົາ, ໃນໄລຍະ ຜ່ານມາ ເຖິງແມ່ນວ່າຈະພົບ ກັບຄວາມຫຍຸ້ງຍາກ, ທ້າທາຍ ແລະ ທົດ ສອບຫຼາຍປະການ.
ແຕ່ພັກ ແລະ ລັດເຮົາກໍ່ມີຄວາມຮັບຮູ້ດີເຖິງ ຄວາມສຳຄັນ ຂອງວຽກງານເຕັກໂນໂລຊີ ແຫ່ງການສື່ສານ ແລະ ຂໍ້ມູນຂ່າວສານທີ່ມີ ຄວາມຈຳເປັນອັນຮີບດ່ວນໃນການພັດທະ ນາບຸກຄະລາກອນໃນຂົງເຂດດັ່ງກ່າວໃຫ້ ກ້າວໜ້າທັນກັບຍຸກສະໄໝແລະຄວາມຕ້ອງການຂອງສັງຄົມໃນປະຈຸບັນ.
ທ່ານຍັງໄດ້ກ່າວຕື່ມອີກວ່າ: ສຳລັບຊຸດອົບ ຮົມຂອງພວກເຮົາໃນຄັ້ງນີ້ ກໍແມ່ນມີເປົ້າ ໝາຍເພື່ອເນັ້ນໃສ່ພັດທະນາ ທັກສະຂອງ ນັກຂ່າວໃນການເຮັດໜ້າທີ່ວິຊາສະເພາະ ຂອງຕົນໂດຍນຳໃຊ້ສື່ແບບໃໝ່ ຫຼື ພາສາອັງ ກິດຮຽກວ່າ “mobile journalism” ຫຼື ເອີ້ນຫຍໍ້ວ່າ “mojo” ນັ້ນເອງ.
ບັນດານັກຂ່າວ “mojo” ທີ່ວ່ານີ້ ແມ່ນນຳໃຊ້ ໂທລະສັບມືຖື ເພື່ອເກັບກຳຂໍ້ມູນຂ່າວສານ ແລະ ລາຍງານຂ່າວໂດຍມີທັງພາບນິ້ງ, ພາບ ວີດີໂອ ແລະ ສຽງໄປພ້ອມກັນໃນເວລາດຽວ ກັນ.
ທ່ານວໍລະສັກປຣະວົງວຽງຄຳຮອງຜູ້ອຳນວຍ ການໃຫຍ່ວິທະຍຸກະຈ່າຍສຽງແຫ່ງຊາດໄດ້ ກ່າວວ່າ: ສະມາຄົມນັກຂ່າວແຫ່ງ ສປປ ລາວ, ມະຫາວິທະຍາໄລການພະລະສຶກສາວິ ທະຍາເຂດເພັດສະບູນ ແລະ ສະມາຄົມນັກ ຂ່າວວິທະຍຸ ແລະ ໂທລະພາບແຂວງເພັດ ສະບູນ ປະເທດໄທ ມີການພົວພັນຮ່ວມ ມືລະຫວ່າງກັນມາຕັ້ງແຕ່ດົນນານ ພໍສົມ ຄວນ, ແລະ ໄດ້ເຊັນບົດບັນທຶກຄວາມ ເຂົ້າ ໃຈໃນການຮ່ວມມືດ້ານວິຊາການເພື່ອ ພັດທະນາບຸກຄະລາກອນ ຮ່ວມກັນ ຕັ້ງແຕ່ປີ 2015 ເປັນຕົ້ນມາ.
ອີງຕາມເນື້ອໃນຈິດໃຈຂອງບົດບັນທຶກດັ່ງ ກ່າວ, ໃນແຕ່ລະປີ ນອກຈາກທັງສາມຝ່າຍ ຈະໄດ້ແລກປ່ຽນການຢ້ຽມຢາມຂອງບຸກຄະ ລາກອນລະດັບການນຳ ແລະ ລະດັບວິຊາ ການແລ້ວ, ສະມາຄົມນັກຂ່າວແຫ່ງ ສປປ ລາວ ຍັງໄດ້ຮັບການສະໜັບສະໜູນທາງ ດ້ານທຶນການສຶກສາລະດັບປະລິນຍາຕີ ຈາກ ມະຫາວິທະຍາໄລພະລະສຶກສາວິທະຍາເຂດ ເພັດສະບູນຈຳນວນ 10 ທຶນ ໃນສາຂາສື່ສານ ການກີລາ ແລະ ການຈັດການກີລາອີກດ້ວຍ.

ຂ່າວ: ສຸກນີລັນດອນ
ພາບ: ປັນຍາສິດ