logo

ແຟນບານທີມຊາດລາວຫ້າມພາດນັດ ລາວ ພົບ ບັງກະລາເທດ ຮອບຄັດເລືອກບານໂລກ 2022

ກອງ​ເຊຍທີມຊາດລາວກຽມພ້ອມ​ແລ້ວ​ ຫລື ຍັງ ທີ່ຈະ​ໄປ​ເຊຍ ທີມ​ຊາດ​ລາວຊຸດ​ໃຫ​ຍ່ ໃນນັດ​ທີ 1 ເວລາ 18:30 ທີ່ສະຫນາມກິລາແຫ່ງຊາດຫລັກ 16 ນະຄອນຫຼວງວຽງຈັນໃນມື້ນີ້.
ທີມຊາດລາວ່​ ຈະລົງສະໜາມພົບກັບ ທີມ​ຊາດ​ບັງ​ກະ­ລາ​ເທດ (Bangladesh) ແລະ ນັດ​ທີ 2 ຈະ​ແຂ່ງ­ຂັນ​ໃນວັນ​ທີ 11 ມິ­ຖຸ­ນາ 2019 ຢູ່​ປະ­ເທດ​ບັງ​ກະ­ລາ​ເທດ.
ໃນລາຍການ​ແຂ່ງ­ຂັນ​ບານ​ໂລກ 2022 ຢູ່​ປະ­ເທດ​ກາ​ຕາ ຮອບ​ຄັດ​ເລືອກ ຮອບ​ທີ 1 ແລະ ການ​ແຂ່ງ­ຂັນ​ບານ­ເຕະ​ຊີງ​ແຊັມ​ອາ­ຊີ 2023 ຫຼື ເອເອັຟຊີ ເອຊຽນ ຄັບ 2023 ຮອບ​ຄັດ​ເລືອກ​ຮອບ​ທີ 1 (FIFA World Cup Qatar 2022 and AFC Asian Cup 2023 Qualifiers-Preliminary Joint Qualification Round 1).
ອີງຕາມຂໍ້ມູນຈາກສະ­ຫະ­ພັນ​ບານ­ເຕະແຫ່ງຊາດລາວ (ສຕລ) ໃຫ້ຮູ້ວ່າ: ສໍາລັບຮອບຄັດເລືອກຮອບທໍາອິດຂອງ ບານໂລກ 2022 ແລະ ເອຊຽນ ຄັບ 2023 ໂຊນອາຊີ ຈະຄັດເລືອກເອົາມາດຕະຖານດຽວກັນຄື ນໍາເອົາ 34 ທີມ ທີ່ມີອັນດັບແຕ່ 1 – 34 ຂອງໂຊນອາຊີ ເຂົ້າໄປຢືນລໍຖ້າໃນຮອບຄັດເລືອກຮອບ 2, ສ່ວນອັນດັບທີ 35 – 46 ຕ້ອງມາຄັດເລືອກໃນຮອບທໍາອິດເພື່ອລຸ້ນເຂົ້າຮອບ 2 ຕໍ່ໄປ, ເຊັ່ນດຽວກັບ ທີມຊາດລາວ ທີ່ປັດຈຸບັນຢູ່ອັນດັບທີ 184 ຂອງໂລກ ແລະ ອັນດັບທີ 38 ຂອງໂຊນອາຊີ ຕ້ອງໄດ້ຫຼິ້ນຮອບທໍາອິດ.
ຂ່າວ: ບົວຜັນ
ຮູບ: ສຕລ